काठमाडौं – प्रधानमन्त्री केपी शर्मा ओली पहिलोपटक नेकपा एकीकृत समाजवादीको केन्द्रीय कार्यालय आलोकनगर पुग्नुभएको छ। सोमबार प्रतिनिधि सभा र राष्ट्रिय सभाको बैठकलाई सम्बोधन गरेपछि ओली आलोकनगर पुग्नुभएको हो ।
उहाँले त्यहाँ पुगि पूर्वराजदूत, कुटनीतिज्ञ एवं वरिष्ठ पत्रकार कमल कोइरालालाई अन्तिम श्रद्धाञ्जली अर्पण गर्र्नुभयो । यसैक्रममा उहाँले चैत १५ गते राजावादीहरूले जलाएको पार्टी कार्यालयको निरीक्षण पनि गर्नुभयो ।
२०७८ सालमा नेकपा (एमाले) बाट विभाजन भएर नेकपा (एस) गठन भएपछि ओली असन्तुष्ट हुनुहुनथ्यो। माधव नेपाल, झलनाथ खनाललगायतका नेताहरूले एमाले विभाजन गरी समाजवादी पार्टी बनाएको तीन वर्षपछि ओली पहिलोपटक उक्त पार्टीको कार्यालय पुग्नुभएको हो ।
