काभ्रे- काभ्रेको श्रीखण्डपुरमा रहेको सेन्टलम एल्बम एकेडेमीको युकेजीमा अध्ययनरत ४१ विद्यार्थी दीक्षित भएका छन् ।
विद्यालयले शुक्रबार एक कार्यक्रम आयोजना गर्दै युकेजीबाट उत्रिण भएका विद्यार्थीलाई दीक्षित गरेको हो । विद्यालयले आफ्नो २० बर्ष पुगेको अवसरमा भर्नामा २० प्रतिशत छुट दिने भएको छ । शिक्षण सिकाई, अतिरिक्त कृयाकलाप र उत्कृष्ट शैक्षिक वातावरण रहेको सो विद्यालयले आफ्नो स्थापना दिवसको अवसरमा भर्ना हुने विद्यार्थीका लागि २० प्रतिशत छुटको व्यवस्था गरेको हो ।
२०६२ सालमा स्थापना भएको सो विद्यालयले निरन्तर रुपमा आफूलाई योग्य भएको प्रमाणित गरिरहेको छ । उक्त योजना आगामी चैत १८ गतेसम्म हुने विद्यालयका प्रधानाध्यापक अग्नीप्रसाद ज्ञवालीले जनकारी दिनु भएको हो ।
फरक सोच शैली र दृष्टिकोणले संचालनमा आएको सो विद्यालय अरुभन्दा पृथक राम्रो र गुणस्तरीय रहेको अभिभावकले उल्लेख गरेका छन् । विद्यालयका हरेक कार्यक्रममा अभिभावकको नियमित उपस्थितीसँगै विद्यालयले कम्तिमा तीन महिनाको एक पटक अभिभावकसँग बृहत रुपमा छलफल र अन्तरकृया समेत गर्ने गरेको छ ।
विद्यालयको नियमित कार्यक्रम अन्तर्गत शुक्रबार युकेजीमा अध्ययनरत ४१ विद्यार्थी दीक्षित भएका हुन् । कार्यक्रमका प्रमुख अतिथि विद्यालय संचालक समितिका अध्यक्ष अमन पोटे श्रेष्ठ, विद्यालयका प्रधानाध्यापक अग्नीप्रसाद ज्ञवाली लगायतले उनीहरुलाई सम्मानसँगै दीक्षित गर्नुभएको हो ।
यस्ता कार्यक्रमले बालबालिकालाई हरेक क्रियाकलाप गर्न मद्दत पुग्ने प्रमुख अतिथि पोटेले बताउनुभयो । उहाँले विद्यार्थीलाई कसरी गुणस्तरिय शिक्षा प्रदान गर्न सकिन्छ भन्नेमै आफूहरुको ध्यान जाने गरेको भन्दै अभिभावकले पनि यसमा आफ्ना बालबालिकालाई विशेष ध्यान दिएर पढाईको गुणस्तरबारे सल्लाह र सुझाव दिन अनुरोध गर्नुभयो । उहाँले संचालकले विद्यार्थीलाई गुणस्तरीय शिक्षा दिन कुनै पनि कसर बाँकी नराख्ने प्रतिबद्धता जनाउनुभयो ।
०६२ सालमा स्थापित यस स्कूलले गत वर्षदेखि प्लस टुमा म्यानेजमेन्टसहितको अध्यापन गराइरहेको प्रधानाध्यापक ज्ञवालीले जानकारी दिनुभयो । उहाँका अनुसार विद्यालयमा हाल ५१३ जना विद्यार्थी अध्ययनरत छन् । पढ्दो प्रतिस्पर्धाका बीच पनि विद्यालयले विभिन्न नयाँ नयाँ कार्यक्रमहरु अघि सारेर अध्यापन गराउँदै आइरहेको र आगामी दिनमा पनि यसलाई निरन्तरता दिइने उहाँले प्रतिबद्धता जनाउनुभयो ।
